Sabo Hamkor

Andijon Shahar, Bobur Shox Ko’chasi 73-uy, 172012

+998 55 201 28 98 // +998 99 284 01 01

info@sbh.uz   /   support@sbh.uz

O'ZBEKISTONDA "LUOS" - SBR KONTEYNER OQOVA SUV TOZALASH INSHOOTI

(LUOS) Oqova suv tozalash inshootlarini har qanday joyga o’rnatish mumkin: kanalizatsiyon tarmog’i mavjud bo’lmagan aholi yashash punktlari, xususiy uylar, ko’p qavatli turarjoylar, korxonalar va boshqalar.

LUOS bir nechta bo’limlarga bo’lingan konteynerdir. Har bir bo’linmaning o’ziga xos texnik xususiyati bor.

LUOS KONTEYNERini yer ustiga yoki yer ostiga o’rnatish mumkin, eslatib o’tamizki, bu tipdagi inshootlarning to’rtburchak shaklda bo’lishi ma’qul emas, chunki to’rtburchak LUOS yerga ko’milganida devorlarga tuproq bosimi ko’proq bo’ladi. Silindr shakli esa ancha yaxshi, chunki tuproq bosimi uning atrofiga teng taqsimlanadi. Yer osti LUOS’larini silindrsimon qilib qurish yagona kafolatli tanlovdir. Ta’kidlash joizki, uskunaning umumiy o’lchamlari qanchalik katta bo’lsa, u shunchalik samarali ishlaydi.

Ba’zi beparvo ishlab chiqaruvchilar, tuzilmalar hajmini kam hisoblab, yetarlicha filtr qo’yganligini aytishadi. Ishonchimiz komilki, har qanday filtrlar, agar ularga yuqori darajada kirlangan suv kirsa, juda tez tiqilib qoladi. Har hafta filtrlarni almashtirib ortiqcha harajat qilishni hech kim xohlamaydi.

Yomg’irdan keyingi to’plangan loyli va iflos suv tinib, cho’kma tubiga tushganda, suv shaffof bo’lib qolishini har birimiz ko’rganmiz va bilamiz.Biz ham SBR filtrlarning tiqilib qolmasligi uchun, chiqindi suvni filtrga yuborishdan oldin bu suvni tindirib olamiz (yomg’ir suvi misolidagi kabi)
O’rnatish shartlariga va drenajlarni olib kelish talablariga ko’ra suv tozalash inshootlarini qo’shimcha uskunalar bilan jihozlash mumkin.

SBR TEXNOLOGIYASINING ASOSIY AFZALLIKLARI

  • Tozalash jarayonini yopiq holatda bajarish (yoqimsiz hidlar chiqmasligi uchun);
  • Kanalizatsiya oqimining hajmi va kirlik darajasining o’zgaruvchanligiga tez moslashish;
  • Anaerobik va aerobik bosqichlarning o’zgartirilishi orqali suvni yuqori darajada tozalash;
  • Boshqarish va ishlatish tizimining osonligi;
  • Kichik maydonga joylashtirish imkoniyati;
  • Yer osti va yer ustiga o’rnatish imkoni;
  • Oddiy usuldagi suv tozalash inshootlariga qaraganda kamroq elektr harajati;
  • Ishni to’liq avtomatlashtirish;
  • Eski usuldagi suv tozalash inshootlariga nisbatan arzon.

SABO HAMKOR MAHSULOTLARINING AFZALLIKLARI

  • Ushbu sohadagi ko’p yillik tajriba sanoat korxonalarida va uy xo’jaliklarida foydalanish uchun samarali va sifatli inshootlar ishlab chiqarishga imkon beradi. Korpus va tizimning boshqa elementlari, ish sharoitlari va talab qilinadigan ishlash ko’rsatkichlariga nisbatan ko’p darajali komplekslarni yoki oddiy inshootlarni tashkil etadigan malakali muhandislarning loyihalari bo’yicha belgilangan standartlarga muvofiq ishlab chiqariladi.

  • O’zbekistondagi boshqa mahalliy tozalash inshootlaridan suv tozalash hajmi va amalga oshirilish murakkabligi bilan ajralib turadi. Professional mutaxassislar yuqori sifatli ish olib boradi, o’rnatish joyidan va tuproqning xususiyatlaridan, o’rnatish sharoitlaridan qat’iy nazar tizimning uzoq umr ko’rishini ta’minlaydi.

  • Inshootlar eng so’nggi texnologiyalar asosida ishlab chiqarilganligi tufayli uzoq yillar davomida chiqindi suvni yuqori darajada tozalaydi. Boshqa mahalliy suv tozalash inshooti ishlab chiqaruvchilar shovqinsiz va yoqimsiz hidlarsiz barqaror ishlashni ta’minlay olmaydilar, bizning kompaniyamiz bunga kafolat beradi.

  • Mijozning xohish-istaklarini inobatga olgan holda individual texnik xususiyatli loyiha ishlab chiqishimiz mumkin.

  • O’rnatish ishlari buyurtmachining me’yorlari va afzalliklariga muvofiq amalga oshiriladi, yer osti yoki yer ustiga joylashtirish mumkin.